منتديات ليل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

لو راجل اقرأ السيناريو!

اذهب الى الأسفل

لو راجل اقرأ السيناريو! Empty لو راجل اقرأ السيناريو!

مُساهمة من طرف اسلام ابراهيم الأحد يونيو 28, 2020 8:02 pm

لو راجل اقرأ السيناريو!

التطبيق الفعلي لمقولة "ثم مات المخرج والمنتج ومات المشاهدون جميعا"

اتفرجت ع فيلم "atuk"؟.. طبعا متفرجتش لإنه متعرضش أصلاً.

سنة 1982 اتعرض دور البطولة ع المُمثل الكوميدي المشهور "جون بليوشي".. بعدها بحوالي كم يوم لقوا جثته في أحد الفنادق والطب الشرعي قال إن سبب الوفاة تناول جرعة زائدة من المخدرات!

سنة 1986 تم استئناف العمل ع الفيلم واتعرض دور البطولة ع المُمثل "سام كينيسون" وصور مشهد واحد من الفيلم وبعدين اعترض ع بعض الأجزاء في السيناريو وطلب من المنتج إنه يعيد كتابة الأجزاء دي من جديد، طبعا المنتج رفض وقاله خليك في شغلك وبس قالهم طب مش هكمل تصوير واتوقف تصوير الفيلم حوالي 6 سنين وبعدين رجعت المفاوضات مرة تانية مع الممثل اللي وقتها كان مسافر بعربيته وخبطته عربية كان سايقها شاب سكران ومات في وقتها!

سنة 1994 اتعرض دور البطولة ع الممثل "جون كاندي" اللي كان متحمس جدا يا عيني وطاير من الفرحة.. مات في نفس السنة بسبب أزمة قلبية.

الأغرب إنه كان ليه صديق ممثل برضه بس مش مشهور أوي اسمه "مايكل" طلب منه إنه يقرأ السيناريو، وجيس وات مات هو كمان في نفس السنة!

إستنى رايح فين..

سنة 1997 اتعرض دور البطولة ع الممثل "كريس فارلي" اللي كان مُعجب جدا بتمثيل "جون بليوشي" عشان كده وافق ع طول لما عرف إن الدور اتعرض عليه من قبله، كريس فارلي لقوه ميت في شقته واكتشفوا إنه مات بسبب جرعة مخدرات زيادة نفس الطريقة اللي مات بيها جون بليوشي وكمان الاتنين ماتوا في سن 33..!

كريس الله يرحمه قبل ما يموت عرض دور ثانوي في الفيلم ع صديقه "فيل هارتمان".. مات كريس وبعدها بـ 5 شهور فيل هارتمان اتقتل ومراته هي اللي قتلته وقتلت نفسها معاه!
ولحد الآن الفيلم لم يتم تصويره.. لو ليك حد عزيز عليك وبتحبه أوي ياريت تخليه يقرأ سيناريو الفيلم ونسأل الله التساهيل.

اسلام ابراهيم

المساهمات : 54
تاريخ التسجيل : 18/06/2020

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
تستطيع الرد على المواضيع في هذا المنتدى